Қытай басшысы Мәскеуге барды

Бүгін Қытай президенті Си Цзиньпиннің Ресейге мемлекеттік сапары басталды. Ол Мәскеуде Кремль басшысы Владимир Путинмен келіссөздер жүргізеді.

Тараптар саяси және экономикалық ынтымақтастықпен бірге Бейжіңнің «Бір белдеу, бір жол» бастамасын және Корей түбегін ядролық қарудан тазарту мәселелерін талқылайды. Ал Қытай мен АҚШ арасындағы сауда соғысы бұл кездесудің басты тақырыбына айналуы мүмкін.