Израильде орман өртінен 10-нан астам үй жанып кетті

Апат Иерусалим және Тель-Авив қалаларының жанындағы алқапта болған. Жергілікті метеорологиялық қызметтің хабарлауынша, ауа температурасы Цельсий бойынша 43 градустан асып кетті. Мұндай ыстықтан құрғақ шөп тез тұтанып, өрт маңайға лезде тараған. Салдарынан елді мекендер зардап шегіп, 3500-дей тұрғын эвакуацияланды.

Тілсіз жаумен күресу үшін өрт сөндіру техникасы, ұшақтар жұмылдырылған. Қазір ол толығымен ауздықталды. Дегенмен, синоптиктердің хабарлауынша, алдағы уақытта жоғары ауа температурасы сақталады. Сондықтан қауіп әлі де сейілмей тұр.

Жансая ҚАПАСҚЫЗЫ