Трамптың есепшоттары тергелуі мүмкін

Нью-Йорк соты немістің «Дойче банкіне» президент Дональд Трамптың қаржысы туралы құжаттарды Конгресске тапсыруға рұқсат берді.

Айта кетсек, Ақ үйдің қазіргі басшысы мен оның балаларына Ресей тәрізді шет мемлекеттер ықпал етті ме деген мәселе тергеліп жатыр. Осы іс аясында биыл сәуірде өкілдер палатасы аталған банк пен басқа да несиелік мекемелерге Трамптың қаражаты жайлы мәлімет жіберуді сұрады.

Мұнымен келіспеген президент пен оның отбасы «Дойче банкке» ескерту жасап, сотқа шағым түсірген. Олар «Мемлекет басшысының қаржысы туралы мәліметтерді әшкерелеудің түпкі мақсаты – Трамптың жеке бизнесіне қол сұға отырып, оның саяси беделіне нұқсан келтірмек» деген уәжді алға тартып отыр.

Арыстан РЫСБЕК