Суданның әскери билігі заңдардың шариғатқа негізделгенін талап етті

Олар халықтың көбі мұсылмандар, сондықтан ислам заңдары басымдылыққа ие болуы тиіс деп отыр. Кеңес азаматтық белсенділердің өтпелі кезеңнің 4 жылдық жоспарына осындай жауап айтып, ұсыныстарын қабылдамды.

Сонымен қатар, олар армия мен қауіпсіздік күштерінің саяси басшылыққа бағынғанын қаламай, өтпелі кезеңді 2 жылмен шектеуді ұсынды. Осылайша әскери билік пен оппозицияның келіссөздері тағы шешімін таппады. Айта кетсек, төңкерістен кейін билікке келген әскерилерге қарсы халық наразылық білдіріп, азаматтық биліктің орнатылуын талап еткен еді. Ал, қазіргі басшылық болса биліктен кете қоймайтынын айтып, келіссөздер жүргізіп, азаматтық белсенділерді ортақ шешімге келуге шақырып отыр.

Жансая ҚАПАСҚЫЗЫ