Милан қаласында Amazon компаниясының жүргізушілері ереуілге шықты

Олар жалақыны көтеруді талап етіп жатыр. Жұмысшылардың айтуынша, 9 сағаттық жұмыс уақытында 120 рет тауар жеткізіледі екен. Сондықтан айлық атқарылатын жұмыс көлеміне сай емес. Бұл мәселе Amazon-ның кеңеюінен туындаған. Қазір Ломбардия өңіріндегі Amazon компаниясының төрт дистрибьюторлық орталығында жұмыс тоқтап қалды.

Айта кетсек, бұл - Amazon жұмысшыларының алғашқы наразылық акциясы емес. Былтыр қарашада мыңдаған қызметкер еңбек шарттарын жақсартуды талап етті. Содан кейін жалақы сағатына 15 долларға көтерілсе де, жұмысшылардың оған көңілі толмай отыр.

Жансая ҚАПАСҚЫЗЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.