Испанияның батыс жағалауында 17 мигрант қаза тапты

Соңғы деректерге қарағанда, олар  Солтүстік Африкадан Жерорта теңізі арқылы Испанияға жетпек болған. Жергілікті құтқару қызметі өкілдерінің мәліметінше, босқындар мінген қайық жартасқа соғылып, адамдар суға батып кеткен. Сондай-ақ, шамамен 40-қа жуық мигранттың құтқарылғаны белгілі болып отыр.

Миграция бойынша халықаралық ұйым деректеріне сүйенсек, жыл басынан бері 47 мыңнан астам босқын Испания барған екен. Ал, орта жолда қаза тапқандардың саны 570-ке жуық.

Жалпы алғанда, биыл Жерорта теңізі арқылы Еуропаға 98 мың мигрант жетіп, 2 мыңнан астамы жан тәсілім еткен.

Мақпал СЕРЖАНҚЫЗЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.