Испанияның Канар аралдарында 90 мигрант суға кете жаздады - «Qazaqstan» Ұлттық телеарнасы

Испанияның Канар аралдарында 90 мигрант суға кете жаздады

04.04.2022

Испанияның Канар аралдары жағалауында 90 мигрант құтқарылды. Арасында 16 әйел мен 2 бала бар. Қайыққа мінген босқындар тулаған теңіздің толқындарына тап болған. Шұғыл түрде Аргинегин портына жіберіліп, жедел жәрдем қызметінің қарауына тапсырылды. Жергілікті үкіметтің мәлімдеуінше, жыл басынан бері Канарға 6 мыңнан астам мигрант жеткен. Олардың дені – африкалықтар.

Айта кетсек, өткен жылы Испанияға теңізбен жол тартқан 4 400-дей мигрант суға кеткен. Олардың 205-і – бала.

Арыстан Рысбек


Хабарламаларға жазылу