Ресейде екі қайық соқтығысып, 10 адам қаза тапты

Ресейде екі қайық соқтығысып, 10 адам қаза тапты. Трагедия Әлем чемпионатын қабылдайтын Волгоград қаласының маңында болған.

Қайықтар Еділ өзенінде - жағалаудан бір шақырымдай қашықтықта апатқа ұшырады.

Оқиға туралы суыт хабар дүйсенбі күні кешкі сағат 10-дар шамасында түскен. Соңғы мәліметке қарағанда, бес адам құтқарылып, біреуі жоғалып кетті. Соғылған су көліктерінде отырғандардың барлығы – Ресей азаматтары.

Айта кетсек, Волгоградта чемпионат кезінде Англия, Тунис, Нигерия, Исландия, Сауд Арабиясы, Мысыр, Жапония, Польша командалары матч өткізеді.

Арыстан РЫСБЕК

«YouTube»-тағы «Qazaqstan TV» арнасына жазылып, AppStore және Play Market сервистерінен «Qazaqstan TV» мобильді қосымшасын тегін жүктеп алыңыз.