Қоқыс төккен тұрғынды дрон арқылы анықтады

Түркістан облысында ашық алаңға тұрмыстық қалдықты  заңсыз төккен тұрғынның әрекеті дронның көмегімен әшкереленді. Сайрам ауданының полицейлері дрон арқылы бақылау жүргізу кезінде тазалыққа немқұрайлы қараған тұрғынды анықтады. Ол Дала базар көшесі бойындағы алаңға 7 тоннаға жуық қоқыс тастап жатқаны дронға түсіп қалған. Аталған дерек бойынша әкімшілік хаттама толтырылып, айыппұл салынды. Сондай-ақ өзі төккен қалдықтарды тазалап, аумақты ретке келтірді.