Испанияның жаңа үкіметіндегі 17 министрдің 11-і – әйел

Испанияның жаңа үкіметіндегі 17 министрлік портфельдің 11-і әйелдерге бұйырды. Олар қорғаныс, экономика, қаржы, білім, ғылым, еңбек, энергетика және қоршаған ортаны қорғау тәрізді министрліктерге басшылық етеді.

Ал, жақында отставкаға жіберілген Мариано Рахойдың кабинетінде керісінше, ерлер көп еді.

Премьер-министр Педро Санчес билікке маусымның 1-де келіп, бүгін король Фелипенің алдында ант берді. Қазір Санчес басқаратын Социалистік партия парламенттегі 350 орынның 85-ін иеленіп отыр.

Айта кетсек, биыл наурыздың 8-де бұл мемлекетте 5 миллиондай әйел шеруге шығып, жалақы теңсіздігі мен гендерлік зорлық-зомбылыққа қарсылық білдірген еді.

Арыстан РЫСБЕК

«YouTube»-тағы «Qazaqstan TV» арнасына жазылып, AppStore және Play Market сервистерінен «Qazaqstan TV» мобильді қосымшасын тегін жүктеп алыңыз.