Германия мен Италияда рейд жүріп, 170-ке жуық мафия мүшесі тұтқындалды

Күдіктілер Германиядағы италияндық мейрамханаларға тауарларын, яғни, қымбат шараптар мен түрлі тағамдарын күштеп сатып алғызған. Полицияның соңғы деректері бойынша, 50 миллион еуро тәркіленді. Тексеру жұмыстарына италиялық және неміс құқық қорғаушылары қатысқаны белгілі болды.

Сондай-ақ, қылмыстық топ есірткі тасымалдаумен де айналысқан екен. Тұтқындалғандардың қатарында мафияға қатысты жергілікті шенеуніктер де бар. Алдағы күндері осыған қоса, бірнеше саясаткер жемқорлық жасағаны үшін қамауға алынбақ.

Мақпал СЕРЖАНҚЫЗЫ