Алматыда мектеп автобустарын тексерді

Алматыда жаңа оқу жылы қарсаңында 300-ден астам мектеп автобусы тексерілді. Полиция мамандары көліктердің техникалық жағдайына, қажетті құжаттарына және жүргізушілердің кәсіби даярлығына назар аударған.

Мұндай жедел профилактикалық іс-шараның мақсаты – жол қауіпсіздігін күшейту. Шара барысында әкімшілік полиция басқармасының қызметкерлері мектеп маңындағы көше бойында орналасқан жол таңбаларының жағдайын тексеруде. Полиция өкілдері автопарк басшыларымен және автобус жүргізушілерімен де түсіндіру жұмыстарын Өткізіп жатыр. Оқу жылы басталғаннан кейін де мұндай бақылау жұмыстары жалғасады, - дейді мамандар.

Әбдінұр Тасыбаев, қалалық ПД әкімшілік полиция басқармасының бастығы:

Әкімшілік полиция басқармасының қызметкерлері мектеп маңайындағы көше жол желісінде жол таңбасы мен жол белгілерінің болуын болмауын тексерістер жүргізуде. Сондай-ақ автопарк бекеттерінің басшыларымен автобус жүргізушілеріне жылдамдық режимін сақтауға жол ережесін бұзбауына түсіндірме жұмыстарын жүргізуде.