Қазақстан Еуразия көлік дәліздеріне инвестиция тартудан көш бастады

Қазақстан Еуразияның көлік дәліздеріне инвестиция тарту бойынша көш бастады. Еуразиялық даму банкі жариялаған деректерге сәйкес Орталық Азия елдері автомобиль және теміржол инфрақұрылымын дамытуға 71,75 млрд доллар бағыттап отыр. Оның 45 пайызы Қазақстанның үлесіне тиесілі. Бұл шамамен 32,3 млрд доллардың көлеміндегі жоба. Банк мәліметінше, өңірдегі өзге елдердің ешқайсысы мұндай көлемде инвестиция салмаған. Еуразия бойынша жалпы құны 345 млрд доллар болатын 402 жоба енгізілген. Оның 114-і Орталық Азияда жүзеге асырылуда.