Израиль үкіметі мигранттардан ақша төлеп  құтылмақ

Израиль үкіметі мыңдаған африкалықты ақша төлеп немесе абақтыға жабумен қорқытып, елден шығаруды көздеп отыр. Ел премьер-министрі Биньямин Нетаньяху осыған байланысты жаппай депортациялау бағдарламасын бекітті.  Ол бойынша наурыз айының аяғына дейін  Израиль заңсыз келген африкалықтардан босатылуы тиіс. Соңғы деректер бойынша, 2014 жылға дейін бұл елге 60 мыңға жуық африкалық мигрант барған екен. Олардың 20 мыңы түрлі бағдарламалар нәтижесінде депортацияланды. Сондай-ақ, жергілікті тұрғындарды тіркеу мәселелері де қатаңдай түседі. Ал, елден өз еркімен кетемін дегендерге 3500 доллар ақша төленеді. Нетаньяхудың мәлімдеуінше, мемлекет шекарасын қорғау мен заңсыз мигранттардан сақтану - тәуелсіз елдің басты құқығы мен міндеті.

Мақпал СЕРЖАНҚЫЗЫ