Өзбекстанда ұлттық валюта екі есеге құлдырады

Өзбекстанда ұлттық валюта екі есеге жуық құлдырады. Орталық банктің деректері бойынша, бір АҚШ доллары 8100 сомға сатыла бастады. Ал, өткен аптада ғана Америка валютасы мұнда 4 210 сом болатын. 

Девальвацияға президент Шавхат Мирзиеевтің қыркүйектің 2-де ұлттық ақшаны еркін айналымға жіберу заңына қол қоюы ықпал етті. Өзбекстан басшысының мәлімдеуінше, ұлттық валютаны әкімшілік реттеу елге инвестиция тартуға зиян. Сондықтан, ол осындай шешім қабылдаған.

Мақпал СЕРЖАНҚЫЗЫ