Жаңалықтарды Telegram арнамыздан оқыңыз!Пәкістанның Белуджистан провинциясында жарылыстан кем дегенде 25 адам қаза тапты. Тағы 35 кісі жараланған. Жарылғыш зат сенат төрағасы кортежінің жанында іске қосылыпты. Құрбандардың ішінде сенатордың жүргізушісі бар. Шабуылдан бірнеше көлік пен мотоциклге қатты зақым келген. Оқиға үшін жауапкершілікті «ДАИШ» радикалдық тобы өз мойнына алды.
Жалпы, табиғи ресустарға бай Белуджистанда діни негіздегі қақтығыстар жиі болады. Сондай-ақ, провинцияда соңғы жылдары экстремистік шабуылдар көбейген.
Фариза МҰСАҚЫЗЫ
