Жаңалықтарды Telegram арнамыздан оқыңыз!Пәкістанда жолаушылар автобусы апатқа ұшырап, 20 адам қаза тапты. Тағы 40 шақтысы жараланған. Онға тарта адамның халі ауыр. Оқиға елдің оңтүстік-батысындағы Белуджистан провинциясында болды. Жолаушылардың барлығы мұсылмандардың діни шарасынан қайтып бара жатқан. Құтқарушылардың хабарлауынша, көлікте адам лық толы болып, ішіне сыймағандары тіпті оның төбесіне шығып алған. Апатқа не себеп болғаны әзірге белгісіз. Оқиғаның мән-жайы анықталып жатыр.
Жансая Қапасқызы
