Жаңалықтарды Telegram арнамыздан оқыңыз!Пәкістанның оңтүстігінде алапат тасқыннан зардап шеккен отбасылар үйлеріне орала алмай отыр. Олар қазір уақытша шатырларда тұрып жатыр. Елдің Апатпен күрес жөніндегі ұлттық басқармасының мәлімдеуінше, жауын мен топан судан Балоджистан провинциясында 50 мыңдай үй зақымданды. Сондықтан, халықты лагерлерге көшіруге тура келген.
Айта кетсек, өткен айда Пәкістанның Ауғанстанмен және Иранмен шекаралас аймағына жаңбыр жылдағы мөлшерден 305 пайызға артық түсіп, тасқыннан 550-ге жуық адам қаза тапты. Және де жергілікті тұрғындар үйлерінен ғана емес, малынан да айрылып, мыңдаған гектар егістік алқабын су шайып кеткен.
Арыстан Рысбек
