Сарапшылар: Қазақстандағы келіссөздердің пайдасы зор

Сирия Үкіметі мен қарулы оппозиция өкілдерін, Түркия мен Иран тарапын бір жерге жинап, келіссөздер өткізудің өзі - үлкен жетістік. Астана процесіне шетелдік мамандар осындай баға беріп отыр.

Ресейлік сарапшылардың пікірінше, Қазақстандағы келіссөздердің пайдасы зор. Себебі, мұндай форматтағы басқосу тұңғыш рет өтіп отыр. Оның үстіне, алдағы Женевадағы келіссөздерде Сирия Президентінің орнында қалу-қалмауы, елдің келешек тағдыры сынды саяси мәселелер қозғалса, Астанадағы кездесу бірінші кезекте атысты тоқтатуға арналып отыр.

Нұртас СОЛТАНҰЛЫ