Обама қоштасу сөзін Ақ үйде емес, Чикагода сөйледі

Барак Обама қаңтардың 20-да биліктен кетеді. Ол бірақ, бейбітсүйгіш президент бола алмады. Өйткені, Америка Ирактан әскерін әкеткенімен, сол әскердің орнын қылышын қанға суарған «ДАИШ» басты. Ал, Ауғанстанда АҚШ жауынгерлерінің саны Обаманың тұсында үш есеге көбейген. Сонымен қатар, Палестина-Израиль жанжалына нүкте қоюдың да сәті түспеді.

Есесіне, Иран Ислам Республикасы ядролық бағдарламадан бас тартты. Куба мен АҚШ жарты ғасырдан бері алғаш рет қайта табысты. Сонымен, Барак Обама қоштасу сөзінде ішкі-сыртқы саясат жөнінде не айтты және көз жасына ерік беріп, жан-жарына алғысын қалай жеткізді?