Ту-154 көкте бар-жоғы 70 секунд қана самғады

Соның соңғы 10 секундында оқыс жағдай болған. Алайда, оның себебі әлі анықталған жоқ. Мамандар әзірге техникалық ақау, сапасыз жанармай, ұшқыштардың қателігі, тіпті теракт сынды бірнеше болжамды қарастырып жатыр. Соңғы әрі нақты шешім шамамен 1 айдан соң белгілі болады.

Бүгін Мәскеуде апатты зерттеп жатқан Үкіметтік комиссия өз жұмысының алдын ала нәтижесін жариялады. Ресейдің Көлік министрі Максим Соколовтың айтуынша, қазір теңізден табылған мәйіттердің кімге тиесілі екенін анықтау үшін генетикалық сараптама жасалып жатыр.