Facebook үш айдың ішінде 2 млрд-қа жуық доллар табыс тапқан

Facebook Inc компаниясының өткен жылдың төртінші тоқсанындағы табысы 51,7 пайызға өсіп 5,84 млрд долларға жетті. Ал, 2014 жылы дәл сол мезгілде компания 3,85 млрд доллар табыс тапқан болатын.

Осыншама табыстың ішінде Facebook-тің акционерлеріне бұйыратын мөлшер 1,56 млрд долларды құрапты. 2014 жылдың соңында бұл көлем 696 млн доллар болған еді. Яғни, 2015 жылдың соңына қарай әлеуметтік желінің акционерлері әрбір акция үшін 54 цент пайда таып отырған. Бұл 2014 жылғымен салыстырғанда екі есе көп. Сол жылы әр акцияның құны 25 цент шамасында болып еді.

Ал, Facebook-тың негізін қалаушы Марк Цукерберг қазір бұл әлеуметтік желіде 1,59 млрд адам тіркелгенін жазды. Сонымен қатар 1 млрд-тан астам адам Facebook Groups қосымшасын пайдаланатын көрінеді. Ал, WhatsApp-ты 900 млн, Messenger-ді 800 млн, Instagram-ды 400 млн адам қолданып жүрсе керек.