Грузия президенті Қазақстанға ресми сапармен келді

Бүгін Қазақстан президенті Нұрсұлтан Назарбаев елімізге ресми сапармен келген Грузия Президенті Георгий Маргвелашвилимен кездесті.  Мемлекет басшысы Грузия Президентінің сапары айтулы оқиғаларға – елдеріміз арасындағы дипломатиялық қатынастардың 25 жылдығына және «ЭКСПО-2017» халықаралық көрмесінің ашылуына тұспа-тұс келіп отырғанын атап өтті. 

«Қазақстан Грузия экономикасының негізгі инвесторларының біріне айналды.  Екіжақты қатынастарды одан әрі жақсартуға ешқандай да кедергі жоқ.  Бұл тұрғыда сіздің сапарыңыздың маңызы зор», – деді Нұрсұлтан Назарбаев. Грузия президенті еліміздің даму қарқынына қызығушылық танытты. Сондай-ақ, Грузия Президенті экономикалар ынтымақтастығының тұжырымдамасына өз елінің белсене қатысып, халықтар арасындағы диалогты дамытуға жағдай жасап отырғанын атап өтті.