Әкімдер үшін арнайы бағдарлама әзірленбек

Себебі, 2018 жылдан бастап Қазақстанда жергілікті өзін-өзі басқаруға дербес бюджет енгізіледі. Ал, 2020 жылдан бастап барлық жерлерде мемлекеттік бюджеттің 4-деңгейі ретінде енгізіледі. Яғни, 2,5 мың жергілікті әкімнің қолына 110 миллиард теңге тиеді. Бұдан бөлек, олар коммуналдық меншікті басқару құзіретіне ие болады. Алайда, осыған дейін дербес бюджеті болмаған ауыл әкімдері бұл қаражатты уақытында игеріп, қыруар қаржы далаға кетпес үшін арнайы оқытылу керек. Мәжіліс депутаттары бүгін қоғамдық ұйым өкілдерін, әкімдерді жинап, осы мәселені талқылады.

Индира БЕГАЙДАР