Жаңалықтарды Telegram арнамыздан оқыңыз!Еліміздің солтүстік-батыс өңірі электр энергиясына мұқтаж. Ол үшін Ақтөбе облысында қосымша қуат өндіру көзі, яғни, газ-электр станциясын салу қажет.
Алдымен нысанның техникалық-экономикалық негіздемесін зерттеу керек. Осыған АҚШ-тың Сауда және даму агенттігі грант бөліп, бүгін Алматыда «Батыс транзит» энергетика компаниясымен ортақ құжатқа қол қойды.
Айта кету керек, құны 744 мың АҚШ доллары болатын грант «Батыс транзит» АҚ-ның экологиялық таза энергетика өндірісін кеңейтуге көмектеседі.
Яғни, газбен қамтамасыз етілетін қуаттылығы 25-100 мегаваттық станция салып, жаңартылмалы қуат көздерін өндіруге мүмкіндік береді.
Джон Ордвей, Қазақстандағы АҚШ уәкілдігінің уақытша сенімді өкілі:
Ақтөбеде салынатын газ-электр станциясы меніңше, аймақтың ғана емес, Қазақстан экономикасының да дамуына өзіндік үлес қоспақ. Біздің тараптың алға қойған мақсаты - қоршаған ортаны ластанудан сақтау. Сондықтан, бұл жоба бүгінгі таңда арзандығы өз алдына, тиімділігі, қоршаған ортаға пайдалылығымен де маңызды.
Жазира Исаева
