Жаңалықтарды Telegram арнамыздан оқыңыз!Ақмола облысы Есіл ауданында ұсақ фермерлер кооперативтерге бірігуде. Мәселен, Красивое елді мекенінде 50-ге жуық отбасы бірігіп, кооператив құрды.
Қазір ұжымда 120 ірі қара бар. Оларды Елбасы Жолдауына сәйкес асылдандыру көзделген.
Осы мақсатта аталған елді мекенге Сандықтау ауданындағы Балкашин ауылынан қазақтың ақбас бес бұқасы әкелінді.
Алдағы уақытта тағы бірнешеуін әкелу жоспарда бар. Кооперативтегі ірі қаралардан алынған асыл тұқымды әрбір төл үшін мемлекеттен 18 мың теңге субсидия төленетін болды.
Ержан Тынымбаев, Красивое ауылдық округының әкімі:
Бес бұқаны алуға 1 миллион 700 теңге кетті. Соның 30 пайызын өз қалтамыздан, қалған пайызын үкіметтен, яғни КАЗМИТ арқылы несиеге қол жеткізіп, сатып алдық. Енді несиені субсидия алу арқылы қайтаратын боламыз.
Ерболат ТӨЛЕГЕНҰЛЫ
