Жаңалықтарды Telegram арнамыздан оқыңыз!Таиландта қазақстандық 8 турист мінген ашық микроавтобус апатқа ұшырады. Оқиға кеше Пхукет аралығындағы «Hanuman World» аттракциондар паркі аумағында болған. 8 азаматтың төртеуі жеңіл жарақат алса, аурухана жеткізілген төрт адамның екеуіне операция жасалды. Бүгін қажетті емін алған бір отандасымыз ауруханадан шығарылды. Еліміздің Сыртқы істер министрлігінің хабарлауынша, Таиландтағы қазақстандық дипломаттар зардап шегушілермен тұрақты байланысқа шығып, қажетті көмек көрсетіп жатыр.
Досымжан ЕРМҰРАТ
