Жаңалықтарды Telegram арнамыздан оқыңыз!Атырау мұнай өңдеу зауытына қоршаған ортаға залал келтіргені үшін 22 млн. теңге айыппұл салынды. Осыдан бір ай бұрын зауыттың құбыр желісінен өрт шығып, сараптама қорытындысы бойынша ауаға таралған зиянды қалдықтың шамадан тыс екені анықталды. Енді айыппұлды зауыт наурыз айына дейін төлеуі тиіс. Облыс бойынша былтыр ауаны ластаған компаниялардан мемлекет пайдасына 22 миллиард теңгеге жуық қаражат өндірілді.
Жолдасқали Телағысов, облыстық Экология департаменті басшысының міндетін атқарушы:
- Күйе, азот диоксиды, көміртек оксиды және тағы басқа заттарды ауаға шамадан тыс лақтырғаны анықталып отыр. Бұл өздерінің тоқсандық есептерінде де көрсетіліп отыр. Сондықтан, осындай шара қолданылды.
Ж. ТЕМІРҒАЛИЕВ
