«Сергек» камераларының саны артады

«Сергек» бейнабақылау жүйесіне түскен әкімшілік айыппұлдар тіркелген мекенжайыңызға хат арқылы барады немесе «Telegram»  жүйесі арқылы бақылауға болады. Бұл туралы Астана қалалық әкімдігінің баспасөз қызметі хабарлап отыр.

«Telegram –messenger»-ге қосылу үшін @smartastana_bot бағдарламасына кіріп, тіркелу қажет. Тексеріс үшін жеке сәйкестендірілген нөміріңіз болса жеткілікті. Мамандар алдағы уақытта 400 жол қиылысы мен 300 желілік учаскеде, халық көп жиналатын жерлер мен базар орталықтарында бас-аяғы 27000 камера орнатуды жоспарлап отыр.