Жаңалықтарды Telegram арнамыздан оқыңыз!Жолдағы жүк көліктерін тоқтатпай-ақ, оның ішіндегі тауардың салмағын анықтауға болады. Мұны мамандар автоматтандырылған өлшеу жүйесі арқылы біліп отырады.
Ақпарат алдымен Көлік және коммуникация министрлігіндегі ахуалдық орталығына келіп түседі. Егер жүктің салмағы белгіленген мөлшерден көп болса, иесіне арнайы нұсқаулық жіберіледі. Бүгінде нұсқаулықтардың саны 2500-ге жеткен. Қазынаға түскен айыппұлдың көлемі - 1 миллиард теңге.
Сондай-ақ, ахуалдық орталық стационарлық және бақылау бекеттерінің жұмысын қадағалайды. Орталық ашылған үш айдың ішінде заң бұзушылық фактілері 30 пайызға артып, жолдағы әкімшілік кедергілер азайған. Бүгін ірі жүк тасымалдаушылар осында арнайы келіп, мекеме жұмысымен танысты.
Әсет Асаубаев, ҚР Көлік және коммуникация министрлігі Көліктік бақылау комитетінің төрағасы:
Бүгінгі күні бізде 6 халықаралық дәліз бар. Соның төртеуінде осы жүйе орнатылған. Осы жылы біз тағы 18 жүйені орнату арқылы барлық 6 дәлізді қамтитын боламыз. Бұл өлшеу жүйелерінің негізгі мақсаты - жол төсемдерінің сапасын сақтап қалу.
Досымжан ЕРМҰРАТ
