Басты Жаңалықтар Туризмді қытайлық саяхатшылар есебінен дамытуға болады

Туризмді қытайлық саяхатшылар есебінен дамытуға болады

27.01.2014 09:30

Елімізде туризмді қытайлық саяхатшылардың есебінен-ақ еселеп көтеруге болады. Бұл туралы Бейжіңге арнайы сапармен барған Ұлттық Туризм индустриясы қауымдастығының мамандары мәлімдеді.

Бүгінде Қытай туризмнен әлем көшбасшысы атанып отыр. Мұнда жылына халықаралық туризмге 100 миллиардтан астам АҚШ доллары көлемінде қаражат жұмсалады.

Бұл - бүкіл әлем бойынша туризмге жұсалатын қаржының 10 пайызы. Еліміздің Туризм индустриясы қауымдастығының президенті Гаухар Жеңісбектің айтуынша, қытайлық саяхатшылар - Қазақстан туризмінің ең басты тұтынушысы.

Сондықтан, еліміздің туризм саласын қытайлықтардың сұранысына сай етіп дамыту қажет. Халықаралық туризмнің төңірегіндегі осы және басқа да мәселелерді қауымдастық мамандары қытайлық әріптестерімен бірлесіп талқылады.

Гаухар Жеңісбек, Ұлттық туризм индустриясы ассоциациясы президенті:

Қытайлар Қазақстанға тек бизнеспен айналысуға емес, туристік мақсаттарда келуі керек. Қытайлық әріптестеріміз де бұл ойымызды құптап, елімізді жаңа туристік бағыт ретінде қарастырып отыр. Біз бүгіннен бастап, қытайлық туристің сұранысына сай өнімдерді, туристік бағыт-бағдарларды бірлесіп ойластырудамыз. Бұл - еліміздегі туризмді дамытуға жақсы мүмкіндік.

Дәурен БАУЫРЖАНҰЛЫ

Бөлісу