Басты Жаңалықтар Әйеліне қастандық жасап, алты жылға сотталды

Әйеліне қастандық жасап, алты жылға сотталды

24.01.2014 12:30

Көкшетауда әйеліне қастандық жасамақ болған қаскүнем алты жылға сотталды. Қаладағы Халыққа қызмет көрсету орталығының жанында күйеуі әйелінің мойнын алмаспен осып жіберген.

Әйелдің жанайқайын естіп, аталған мекеменің аула сыпырушысы мен күзетшісі көмекке ұмтылған. Оларды көрісімен қаныпезер қашып құтылады. Жәбірленуші 1992 жылы туған Әсел Ерназарова дереу ауруханаға жеткізіліп, жарақатына ота жасалды.

Ал оның күйеуі Қажымұқан Көшенов көп ұзамай қолға түсті.

Айсұлу Құлмамбетова, Ақмола облыстық сотының баспасөз хатшысы:

Ақмола облысы қылмыстық істер жөніндегі мамандандырылған ауданаралық соты әйелін өлтіруге оқталған Көкшетау қаласының тұрғынына қатысты қылмыстық істі қарап, оны Қазақстан Республикасы Қылмыстық Кодексінің 24-бабы және 96-бабы бойынша кінәлі деп танып, алты жылға бас бостандығынан айырды.

Ерболат ТӨЛЕГЕНҰЛЫ

Бөлісу