Жаңалықтарды Telegram арнамыздан оқыңыз!Астанада шахматтан Әлем чемпионатының алғашқы туры өтті. ФИДЕ президенті Аркадий Дворкович және Қазақстан Шахмат Федерациясының президенті Ғалымжан Есенов алғашқы ойынды бастап берді. Қазақстандық ерлер командасы Англия ойыншыларымен кездессе, қыздар құрамасы 2 жыл бұрын чемпион атағын тағынған ресейлік командамен ойнап, 3:1 есебімен есе жіберді. Екінші және үшінші турда Қытай және Ресей құрамаларына қарсы ойнайды. Қазақстан командалық әлем біріншілігіне 3-ші рет қатысып жатыр. «Сондықтан, спортшыларға бірден үлкен мақсат қоюға болмайды», - дейді мамандар.
Гүлмира Дәулетова, Шахматтан Қазақстан қыздар құрамасының мүшесі:
- Осындай биік дәрежедегі жарыс күнделікті болмайды. Сондықтан, мұндай үлкен мүмкіндік үшін ФИДЕ-ге алғысымызды білдіреміз. Орташа рейтинг бойынша біз алтыншы орындамыз. Бірақ жалпы потенциалға қарайтынын болсақ, онда алғашқы үштікке күресуге барлық мүмкіндіктер жеткілікті.
Оңғар АЛПЫСБАЙҰЛЫ
