Ескек есуден Әлем кубогының бірінші кезеңі жалғасуда

Португалияда ескек есуден әлем Кубогының бірінші кезеңі жалғасуда. Бәсекенің алғашқы күні жарыс жолына тек аруларымыз шыққан болатын. Өкінішке қарай қатты соққан жел жерлестеріміздің жоғары нәтижеге жетулеріне кедергі келтірді.  

500 метр қашықтықтағы байдаркада Инна Клинова жартылай финалда 9-орында қалып, финалға шыға алмады. Енді Инна 200 метр қашықтықтағы сайысқа дайындалады. Екі адамдық байдаркада Наталья Сергеевамен Ирина Подойникова 500 метр қашықтықта 6-шы нәтиже көрсетті. Енді олар 200 метр қашықтықта ақтық сында өнер көрсететін болды. Ал бүгін жарыс жолында Сергей Токарницкий жекелей сында бақ сынамақ.