Басты Жаңалықтар Каратэден жасөспірімдер арасындағы Азия чемпионаты аяқталды

Каратэден жасөспірімдер арасындағы Азия чемпионаты аяқталды

24.03.2014 08:30

Алматыда шинкиокушинкай каратэден жасөспірімдер арасында Азия чемпионаты өз мәресіне жетті. Жарысқа 5 мемлекеттен 38 команда келді. Азия елдерімен қатар Венгрия және Ресей құрамаларының кіл мықтылары жиналды.

Мұндай кең көлемдегі жарыс Қазақстанда алғаш рет ұйымдастырылып отыр. Жарыстың қорытындысы бойынша 9 алтын, 6 күміс және 12 қола медальді иеленген Берік Қабулов атындағы федерацияның командасы жалпыкомандалық есепте бас жүлдені жеңіп алды.

Екінші орында Астана ұжымы болса, үздік үштікті Новосибирскіден келген каратэшілер түйіндеді. Сайыстың мақсаты - Азия елдері арасындағы қарым-қатынасты нығайтып, жастар арасында спортқа деген қызығушылықты арттыру.

Болат Бақтаев, шинкиокушинкай каратэден Берік Қабулов атындағы федерация президенті:

Жарысқа 500 спортшы қатысты. Бірінші рет Венгрия мен Тәжікстаннан келді. Келесі жылы да дәстүрлі түрде өткіземіз.

Тоғжан ЖАЛҒАСБЕКҚЫЗЫ

Бөлісу