Әлеуметтік-медициналық сараптаманың электронды кезегі енгізіле бастады

Әлеуметтік-медициналық сараптаманың электронды кезегі енгізіле бастады. Енді азаматтар сараптамадан өтетін күн мен уақытты алдын ала онлайн таңдай алады. Жүйе әзірге Ақмола облысы мен Алматыда жұмыс істеп тұр. 1 қазандағы дерек бойынша, сервисті 5 мыңнан астам адам пайдаланған. Жазылу «Әлеуметтік қызметтер порталы» арқылы жүргізіледі. Жүйе азаматтың тұрғылықты жеріне қарай қажетті бөлімді автоматты түрде анықтайды. Жазылған адамға SMS арқылы қабылдау уақыты, мекенжайы мен талон нөмірі келеді. Қажет болса, жазбаны өзгертуге немесе одан бас тартуға болады. Министрлік бұл жүйе күту уақытын қысқартады деп отыр. Жоба сәтті болса, электронды кезек барлық өңірлерге енгізіледі.