Шымкент оқушылары табиғат қорғаудың тың тәсілін ұсынды

Шымкентте мектеп оқушылары табиғатты қорғаудың тың тәсілдерін ұсынды. №140 мектепте «Таза Қазақстан» акциясы аясында жас зерттеушілердің экологиялық жобалары таныстырылды. Оқушылардың бірі банан қабығынан табиғи тыңайтқыш әзірлесе, өзгелері тұрмыстық қалдықтарды кәдеге жарату, табиғи ресурстарды ұқыпты пайдалану және экотуризм бағыттарын зерттеген. Жұмыстар арнайы семинар мен ашық сабақта талқыланып, оқушылар өз ізденістерінің нәтижесін ортаға салды.

Аяла Ілияс, оқушы:

Банан қабығынан дайындаған екі тыңайтқыш бар. Ұнтақ тыңайтқыш және сұйық тыңайтқыш. Осындайға салып, үстіне жылы су құйып 2 күн ашыттым, сосын сұйықтықты осы гүлге құямыз. Нәтижесінде көп бүршік жарады, гүл жақсарады, түстері қанық жасыл болады.