Ақмола облысында жолаушылар пойызы 13 бас ұсақ малды қағып кетті

Ақмола облысында жолаушылар пойызы теміржол рельсіне шығып кеткен 13 бас ұсақ малды қағып кетті.

Төтенше жағдай Макинка-Елтай өткелінде болған. Машинист рельсті жағалай жайылып жүрген қойларды көрген бойда пойызды шұғыл түрде тоқтатпақ болған. Бірақ ол әрекеті жолдағы жағдайдың алдын алуға септігін тигізе қоймапты.

Соқтығыс салдарынан пойыз қозғалысы 9 минутқа тоқтатылды. Бүгінде малдың иесі анықталып, әкімшілік жауапкершілікке тартылды. Жалпы, ел бойынша жыл басынан бері жануарлардың теміржолға шығып кетуіне байланысты 700-ден астам оқиға тіркелген.