Баянауыл өртеніп жатыр

Баянауылда өрт шықты. Ұлттық табиғи парк аумағында орман мен қырлы алқап қоса жанып жатыр. Тілсіз жау Қарағанды облысы Бұқар Жырау ауданындағы Ақжар бөлімшесі маңындағы дала өртінен ауған көрінеді. Кеше кешкі сағат тоғыздар шамасынан бастап 80-нен аса адам, 34 техника және 2 ұшақ өртті тұмшалауға жұмылдырылды. Қазіргі уақытта елді мекендерге төнген қауіп сейілді. Алайда таулы жер бедерінің күрделілігіне және қатты желге байланысты өртті толық сөндіру қиындық тудыруда. Жағдай Төтенше жағдайлар министрлігінің бақылауында. Оқиға орнында жедел штаб құрылды.