Басты Жаңалықтар Олимпиада қарсаңында президенттер бас қосты

Олимпиада қарсаңында президенттер бас қосты

07.02.2014 05:30

Елбасы Нұрсұлтан Назарбаев Қысқы ойындардың ашылу салтанатына қатысу үшін Сочиге барды. Президент еліміздің спортшыларымен кездесіп, оларға байрақты бәсекеде сәттілік тіледі.

Жалпы Ақ Олипиадаға Қазақстан Ұлттық құрамасы 58 жолдама ұтты. Оның 14-і шаңғымен жүгіруден, 10-ы биатлонда бақ сынайды. Ал, конькимен жүгіру, шорт - трек және фристайл мен шана спортында 6 жолдама бар. Тау шаңғысы жарысында 4 спортшымыз ел намысын қорғайды.

Ал бұған дейін Халықаралық Олимпиада Комитетінің президенті Томас Бах әлем елдері лидерлері мен атлеттер үшін кеш ұйымдастырды. Онда Ресей президенті Владимир Путин сөз сөйлеп, Сочи Олимпиадасын ұмытылмас мереке қылдыру үшін қолдан келгеннің бәрін жасағанын айтты.

Арай ТӨЛЕГЕНҚЫЗЫ

Автор

Арай Төлегенқызы

Бөлісу