Шымкентте жарық беру жүйесі толық қалпына келтірілді

Бүгін 110 киловольттық желідегі апат салдарынан Шымкенттің орталығы мен оңтүстік-батыс бөлігінде 38 мыңнан астам жеке үйле мен 5 мыңға тарта түрлі нысандар жарықсыз қалған еді. Ажыратылған электр жүктемесінің көлемі шамамен 114,4 мегават. KEGOC мәліметінше, бұған Орталық Азияның біртұтас электр энергетикалық жүйесі тарапынан қуат ағынының артуы себеп болған. Қазір шаһар бойынша қуат көзімен жабдықтау қалыпты режимге көшті. Шымкентте электрмен жабдықтау толық қалпына келтірілді.