23 мыңнан астам су нысаны туралы ақпарат цифрландырылды

23 мыңнан астам су нысаны туралы мәлімет электронды жүйеге енгізілді. Бұл туралы Су ресурстары және ирригация министрлігі мәлімдеді. Оның ішінде 17 748 өзен, 3 148 көл және 1 109 гидротехникалық нысандар бар. Жүйеде 3 мыңға жуық ұйым мен 4 мыңнан астам пайдаланушы тіркелген. Ол су қорын есептеуге, жұмсалуын бақылауға және объектілердің жағдайын қадағалауға мүмкіндік береді.