Шымкентте теміржолшылар марапатталды

Шымкентте Теміржол көлігі қызметкерлерінің кәсіби мерекесіне орай сала мамандарына құрмет көрсетілді. Салтанатты жиында ұзақ жылдар бойы жемісті еңбек етіп, теміржол саласының дамуына үлес қосқан қызметкерлерге марапаттар табысталды. Олардың қатарында қарапайым жүк қабылдаушы болып еңбек жолын бастап, бүгінде станция басшысы қызметін атқарып жүрген Құрманғазы Нарымбетов те бар. Ширек ғасырға жуық өмірін осы салаға арнаған маман «Құрметті теміржолшы» төсбелгісіне ие болды.

Құрманғазы Нарымбетов, Арыс станциясының бастығы:

Әкем теміржолшы, машинист болып зейнетке шыққан, шешем техконторада оператор болып зейнеткерлікке шыққан. Ұлым істейді, кезекші подстанция болып, жұбайым жұмыс істейді. Бүгін марапатқа лайық деп таңдаған екен, «Құрметті теміржолшы» марапатын алып жатырмын.