Шымкентте 4 мың азамат алимент төлемей жүр

Шымкентте алимент төлемей жүргендердің саны 4 мыңға жуықтады. Жыл басынан бері өз міндетін орындамаған 132 борышкер әкімшілік жауапкершілікке тартылса, 31-не қылмыстық заңнама аясында шара қолданылды. Тағы 82 борышкерге ескерту жасалып, айыппұл салынған. Мамандардың айтуынша, алиментті ұзақ уақыт төлемегендерге алдымен ескерту жасалады. Нәтиже болмаса, олар әкімшілік, кейін қылмыстық жауапкершілікке тартылуы мүмкін.

Алимент төлеушілер өз міндеттемелерін үш айдан астам уақыт орындамаған. Бұл міндетті уақытылы толық орындамаған 31 адам биылдың өзінде соттың айыптау үкімімен қылмыстық жауапкершілікке тартылды.