Басты Жаңалықтар Биатлоннан Азия чемпионаты басталды

Биатлоннан Азия чемпионаты басталды

29.01.2014 08:30

Алматыда биатлоннан Азия чемпионаты басталды. Жарысқа еліміздің 6 аймағының және Ресей мен Қырғыз Республикасының спортшылары қатысуда. Сочи Олимпиадасында ел намысын қорғайтын үздіктер де осында.

Бірінші күннің бәсекелері нәтижесінде, ерлер арасындағы спринттік бәсекеде Сергей Наумик мәре сызығын бірінші болып қиды. Екінші орынды иеленген Ұлттық құрамамыздың тағы бір мүшесі Ян Савицкий командаласына 9 секунд қана есе жіберді.

Тұғырдың үшінші сатысына Василий Подкорытов көтерілді. Әйелдердің бәсекесінде, көпшілік күткендей Олимпиада ойындарының күміс жүлдегері Елена Хрусталеваға тең келер ешкім болмады. Галина Вишневская мен Ольга Полторанина жүлделі орындарды өзара бөлісті.

Елена Хрусталева, биатлоннан Азия чемпионы:

Мен бастапқыда Азия біріншілігіне қатыспаймын деп ойладым. Бірақ, соңғы мезетте жарыс жолына шығуға бел будым. Бұл мен үшін жаттығу десем болады. Сочи алдындағы қорытынды дайындық.

Бөлісу