Шымкентте қоқыс тастағандарды дрондар анықтап жатыр

Шымкентте заңсыз қоқыс тастап, қоршаған ортаны ластағандарды дрондар анықтап жатыр. Полиция қызметкерлері жеті ұшқышсыз ұшу аппаратының көмегімен шаһар аумағын әуеден бақылайды. Заманауи құрылғылар стационарлық бейнекамералардың назарынан тыс қалған аумақтарды шолып өтеді. Жыл басынан бері тазалық талаптарын бұзғандарға қатысты 17 мыңнан астам әкімшілік хаттама толтырылған.

Яғни, әуе арқылы құқық бұзушылықтарға анықтау жүргізіліп, 1 тәулік ішінде абаттандыру қағидаларын бұзу, тазалықты сақтамау және қоғамдық орынды ластаудың 210 фактісі анықталды.