Ғалымдар Конституциядағы өзгерістерді талқылады

1-шілдеден бастап Қазақстанда жаңа Конституция күшіне енеді. Осыған орай Шымкентте ғалымдар мен заңгерлер және сарапшылар бас қосып, Ата заңға енгізілген өзгерістерді талқылады. Мұхтар Әуезов атындағы Оңтүстік Қазақстан зерттеу университетінде өткен жиында Конституциядағы негізгі бағыттар мен олардың ел дамуына тигізер әсері сараланды. Қатысушылар жаңартылған Ата заңда  мемлекеттің басты қағидаттары айқындалғанын атап өтті. Сондай-ақ отырыста адам құқықтарын қорғау, ұлттық бірегейлікті нығайту және цифрлық технологияларды құқықтық тұрғыда  реттеу мәселелері де сөз болды.

Айсана Сман, заң ғылымдарының докторы, профессор:

Ең жоғарғы нормалар болып есептелгеннен кейін, ҚР заңнамасы да жаңарады, жаңалықтар ашылады. Адам өзгергендей мемлекет те өзгереді, жаңағы азаматтар да өзгереді жаңа жолға түседі. Сол үшін мына конституция маңызды.