5 айда Түркістанға 143 мыңнан астам турист келген

Түркістан облысына жыл басынан бері 32 мыңға жуық шетелдік турист келген. «Open Turkistan» туристік ақпараттық орталығының мәліметінше, бұл былтырмен салыстырғанда 34 пайыз жоғары. Жалпы бес айда өңірге 143 мыңнан астам саяхатшы табан тіреген. Шетелдік қонақтардың басым бөлігі Өзбекстан, Қытай, Түркия, Ресей және Қырғызстаннан келген. Сонымен қатар Франция, Германия, Ұлыбритания, Жапония және Оңтүстік Кореядан келетін туристер қатары да көбейген. Мамандар мұны өңірдің халықаралық туристік бағыт ретінде тартымдылығының артқанымен байланыстырады.