Түркістан облысындағы шекарадан делдалдар ұсталды

Түркістан облысында мемлекеттік шекара арқылы өту кезінде заңсыз делдалдық схема ұйымдастырған қылмыстық топтың әрекеті әшкереленді. Ұлттық қауіпсіздік комитетінің мәліметінше, топ мүшелері ауыр жүк көліктерінің жүргізушілеріне кедендік рәсімдерден жедел өту үшін делдалдық қызмет көрсеткен. Тінту барысында 5 бірлік атыс және пневматикалық қару, ірі көлемдегі ақша және өзге де заттай дәлелдемелер тәркіленді. Бұл дерек бойынша 17 адамға қатысты сотқа дейінгі тергеп-тексеру басталды. Олардың бесеуі уақытша ұстау изоляторына қамалды.