Қазақстандағы сауда көлемі ₸28 триллионнан асты

Сыртқы сын-қатерлерге қарамастан, еліміздің ішкі сауда саласында тұрақты өсім байқалады. Биылғы бес айдың қорытындысы бойынша сауда саласының нақты көлемі өткен жылмен салыстырғанда 5,6%-ға артып, 28 трлн теңгеден асты. Соның ішінде көтерме сауданың көлемі 19,6 трлн теңгеге жетті. Бұл былтырғы көрсеткіштен 6,5%-ға көп. Саланың ілгерілеуі елдегі сауда белсенділігінің өсуіне және экономикалық белсенділіктің нығаюына елеулі үлес қосты. Бөлшек саудада да оң динамика байқалып отыр. Қаңтар-мамыр аралығындағы сауда көлемі 9 трлн теңгені құрады. Сауда белсенділігі жоғары өңірлердің қатарында Алматы мен Астана қаласы, Атырау және Қарағанды облысы, сондай-ақ Шымкент қаласы бар.